Gaikako web
Herritarrentzako Osasun Eskolen Sarea 
Eskolen Sarearen webgunea sortu zenean, Osasun Sistema Nazionalaren barruan erreferentzia bilakatu nahi zen gaixoentzako, horien senideentzako eta zaintzaileentzako, haien bizilekua eta adina edozein direla ere, eta kontuan hartuta haien ezagutzak eta lehentasunak.
Osasun Sistema Nazionalaren Teknologia Sanitarioak eta Prestazioak Ebaluatzeko Agentzien Espainiako Sarea
Osasun Sistema Nazionalaren Teknologia Sanitarioak eta Prestazioak Ebaluatzeko Agentzien Espainiako Sarea, Osasun Sistema Nazionalaren teknologia sanitarioen kalitatea, eraginkortasuna eta iraunkortasuna sustatzeko sortu zen. Webgune honek eskuragarri jartzen ditu teknologia sanitarioen ebaluazioen txostenak, jardunbide klinikoen gidak eta azterketetan oinarrituta dauden beste produktu batzuk.
Bizimodu osasungarriak
Osasun Sistema Nazionalean osasuna eta prebentzioa sustatzeko estrategiaren ekintzak. Estrategia horren helburua informazio erabilgarria eta kalitatezkoa ematea da, herritarren beharretara egokitzen dena: Gomendioak, tresna interaktiboak, bideoak eta bestelako material eta baliabide erabilgarriak bizimodu osasungarriagoa lortzeko.
Giza Ugalketa Lagundurako Batzorde Nazionala
Giza Ugalketa Lagundurako Batzorde Nazionala Osasun Ministerioaren kide anitzeko organoa da, iraunkorra eta aholku-emailea, eta honako xede hauek ditu: giza ugalketa lagundurako tekniken erabilerari buruz aholkatzea eta orientatzea, arlo horretako ezagutza zientifikoak eta teknikoak eguneratzen eta zabaltzen laguntzea, eta horiek egiten diren zentro eta zerbitzuen irizpide funtzionalak eta egiturazkoak lantzea.
Pazientearen segurtasuna
Pazientearen segurtasunak, asistentzia-kalitatearen funtsezko dimentsioak, osasun-laguntzari lotutako pazienteari behar ez den kaltea murrizteko estrategiak garatzea dakar. Osasun Ministerioak Osasun Sistema Nazionalaren Pazientearen Segurtasun Estrategia garatu du, autonomia-erkidegoekin, elkarte zientifikoekin eta pazienteen elkarteekin lankidetzan.
Webgune honek estrategiaren esparruan zabaldutako jarduera guztietarako sarbidea errazten du, praktika seguruak, pazientearen segurtasun-txostenak, jardunaldi zientifikoak, SiNASP Jakinarazpen Sistema eta Pazientearen Segurtasunari, Arriskuen Kudeaketari eta Eskuen Higieneari buruzko ikastaro autogidatuen bidezko prestakuntza.
Emakumeen Osasunaren Behatokia
Ebidentzia zientifikoak agerian utzi du gizonen eta emakumeen osasuna baldintzatzen duten faktoreetan desberdintasunak daudela, eta horiek identifikatu eta kontuan hartu behar direla osasun-politika ekitatiboagoak eta bidezkoagoak lortzeko, osasun-sistemaren eraginkortasuna eta kalitatea hobetuz.
Osasun Publikoaren eta Osasun Ekitatearen Zuzendaritza Nagusiaren mendekoa den Emakumeen Osasunaren Behatokia (EOB) sortzen duen PCI 462/2019 Aginduaren bidez, Estatuko Administrazio Orokorrari osasun-politika publikoetan genero-ikuspegia indartzeko aukera emango dion mekanismo bat eman nahi zaio, osasun-arloko ekitatea lortzen eta generoagatiko desberdintasunak pixkanaka ezabatzen laguntzeko.
